KUMPULAN UMPASA BAG II

Humbani namaposo

1. Talun ni par kisaran susur hu liang nangka
Layur do au hiranan bani boru sinaga

2. lambar bulungni pisang lemes bulungni topu
Ham ma huahap inang agepe lape mardomu

3. Pasaksak juma ruba horbangma andor pastap
Mantapma namin horja rongkap lang marpanatap

4. Taratinggi na korah harbei bani nagolap
Hupatinggi sikkolah hape padaoh rongkap

5. Marodor parsinaman manonggor huda huda
Layur do au hiranan bani si boru Purba .
6 hodong hodong namosap maligar do ibolah
Daoh do hape rongkap bani naso sikkolah

7 Maretor porkis ipuh bani hayu aloban
Rado manektek iluh daoh bani hasoman

8 Galinggang hayu songgol parngas hape bulungni
Marsirang nadop somal tangkos hape lungunni

9, Obor bani nagolap panggantih ni andap andap
Odor naming rokkap ampa horja na mantap

10. Manortor roba roba itongahni harangan
Age ihojot horja ,nasoppat lobei mangan

11. makah par bahsombuh megah marpariama
Anggo domma harosuh etek pe na paima

12. Etek pe pora pora aima panggantih itok
Etek pe horja asal adatna gok

13. Motor dolok marangir mardalan hu kasindir
Domma naming ianggir sada pelang manaksir

14. Hampidi rayabasi malopak dop ibolah
Pahitni hata mondi ingaton do madokah

15. Tarhirjat Dayok gingging margele gele hambing
Sirsir do namin ring ring hape lalap do tading

16. kahombu bajalinggei sogopanni anduhur
Marosuh mau naminei hamdo mardua uhur

17. age bue andihei sada do nahutatap
Buepe na husisei hamdo anakni mata

18. sisir ni anak lajang pattang do itadingkon
Misir pe au marlajang hamdo nahusarihon .

19. Husuba marjalengkat lang tahan ompu ompu
Domma husuba nekat ham do nalang pot hutogu .

20. Nahama marjalengkat lang be marompu ompu
Naha dalanhu nekat hatamu pelang tottu .

21. Horsik pasir mandogei pajajar bunga bondar
Marsikkor do parlobei pajongjong namadear .
''Untuk memulai yang baik sangat menyakitkan ''

22. Pardalanni bedar ranggisgis marsappilpil
Pararat namadear maningon do marukkil .
Menyebar luaskan kebaikan memerlukan pengorbanan

23. Lassina juma roba mondun marpanggar panggar
Ija pe ham marhorja porlu do ham basar.
Dimanapun kita bekerja sikap ramah sangat dibutuhkan

24. Barakbak ambaroba manuk manuk pargobak
Biak siloja loja partulakan ni horja
Sudah nasib sang jongos .pelimpahan semua pekerjaan

25. Modom modom ilik ipassa reot reot
Domdom naso marsitting papodas hita teot
Dendam kesumat mempercepat kelumpuhan

26. Mange mange si borhu sontohni poyon poyon
Age hita masombuh nabotoh habadoron
Walaupun kita melarat harus tau malu

27. Roba sipissarpissar .parsidingan ni leto
Mardohar anggo pistar marsikkor anggo oto.
''Kalau pintar berkelimpahan bodoh sangat menderita ''

28. tangis tangis siduhduh tangis ibiding sopou
Tarsikkot hinasombuh halani hinaoto.
Terungkaplah kemiskinan karena kebodohan

29. Tangis tangis panderes manangisi parudan
Tarsikkotma pambere halani parjuljalan
Terungkap pemberian masa lalu karena pertengkaran.

30. torik pe namarsege torikan ope mamburbur
Otik pe naibere sonaima malas uhur .
''Walau sedikit yang di beri orang kita harus bersyukur''

31. Apang apang ni landak manguji hahobalan
Mangajari dakdanak manguji hasabaron.
Mendidik anak anak menguji kesabaran

32. Barohol simarsolpah saranggiting damayon
Nahopolma niombah parsirangan ni samon
Dekaplah anak-anak saat turun senja

33. Simapang bah kulusar rappah raya huluan
Ila naso mardasar mangambat hamajuon
Rasa malu tak berdasar menghambat kemajuan

34. Lasina ajar ajar porluma nasarihon
Haila na mardasar porlu nalestarihon
Rasa malu yang berdasar perlu di lestarikan

35. Marmangmang ma si lumang manggodor tanggiripan
Angan angan nasumbang paponjothon pikkiran
Keinginan yang tidak realistis menambah kemelut dalam fikiran

36. Age pandei mandihar rado nahei tarsidir
Marmercy pe napistar rado matei marpingkir
Walaupun orang pintar naik mercy bisa saja mati karena fikiran

37. Tukkis pe sidalannon ulang pala manomboh
Tubis pe sipangannon ulang lupa martonggo
Walaupun makan seadanya jangan lupa berdoa

38. Suhat suhat baluhat boanon hutapian
Tulak bulhat bulhat anggo naso bagian
Tolak mentah mentah pemberian yang haram

39. Manggakgak darih manangak sarih
Halak idarih darih Dakdanakni massadih
Orang lain di kasihi anak anaknya ditelantarkan

40. Age martintin logam asal hupartonduran
Age hita marlonggam asal ulang gayuran .
Walau kotor belepotan asaljangan kelaparan Mariun

disadur ulang oleh: David Purba
(dari berbagai sumber)